दाङ । दाङ क्षेत्र नम्बर २ क मा कांग्रेसबाट प्रदेश सभा सदस्यमा आफ्नो बलियो दाबी रहेका बताएका कांग्रेसका नेता खगराज पाण्डेले संविधान सभा सदस्य राजु खनाललाई संघमा आफ्नो दाबी नछोड्न आग्रह गरेका छन ।
उनले जागरण अनलाईनसंग कुराकानी गर्दै पाण्डेले भने-`जहाँ पाईन्छ, त्यहा उठ्छु भन्न पाईएन नि, मेयरमा पनि इच्छा राख्ने, उस्तै परे संघ, प्रदेश पनि नछोड्ने, त्यस्तो त हुँदैन, कसैले एक चोटि पनि नपाउने, अर्कोले तीन चोटिसम्म टिकट पाउने, यो न्यायसंगत हुँदै होइन, सबैको मुल्याङ्कन गरेर पार्टीले टिकट दिनुपर्छ ! ।
SPONSORED
कांग्रेस लुम्बिनी प्रदेशका सह महामन्त्री समेत रहेका पाण्डेले राजुले दुई चोटि अवसर पाएकोमा एक चोटि जितेको र एक पटक हारेको भन्दै सधैभरि एउटालाई मात्रै अवसर पाईरहने कुरा नहुने बताए ।
SPONSORED
आफ्नो अन्तिमपटक इच्छा भनेकै प्रदेश सभा सदस्यमा उठ्ने रहेको भन्दै उनले राजुलाई संघमा आफ्नो दाबी राख्नु स्वाभाबिक रहने भन्दै संघ नभए प्रदेशमा झर्ने कुरा छुट नरहेको पनि बताए । आफुले यो कुरा राजुलाई भेटेर पनि सुझाब दिइसकेको उनले बताए। अहिले दाङ क्षेत्र नम्बर २ क मा प्रदेश सभा सदस्यमा कांग्रेसबाट पाण्डे र एमालेबाट बलिभद्र रानाको चर्चा छ ।
SPONSORED
