संसदमा रवि लामिछानेको विषयमा प्रसंग उठाउदै शान्ता चौधरीको अनुसन्धान प्रभावित हुनेमा चिन्ता ब्यक्त

संसदमा रवि लामिछानेको विषयमा प्रसंग उठाउदै शान्ता चौधरीको अनुसन्धान प्रभावित हुनेमा चिन्ता ब्यक्त 1

३ भदौ, काठमाडौं । टेलिभिजन प्रस्तोता रवि लामिछाने पक्राउको विषय मंगलबार प्रतिनिधिसभामा पनि उठेको छ । पत्रकार शालिकाराम पुडासैनी आत्महत्याको विषयमा अनुसन्धानका लागि लामिछाने पक्राउ परेपछि चितवनका सडकमा भइरहेका गतिविधिले अनुसन्धान प्रभावित पार्न सक्ने सांसदहरुले बताएका छन् ।

नेपाल कम्युनिस्ट पार्टी (नेकपा) सांसद शान्ता चौधरीले अनुसन्धान प्रक्रिया चलिरहेका बेला त्यसलाई प्रभावित पार्न खोज्ने गतिविधि भइरहेको बताइन् । ‘को दोषी को निर्दोष भन्ने सवाल चलिरहेको बेला अनुसन्धान प्रभावित बनाउन खोज्ने प्रवृत्ति सही मान्न सकिदैन’ उनले भनिन्, ‘यस्तो बेलामा सबै राजनीतिक दल एक ठाउँमा उभिनुपर्छ ।’

SPONSORED

संसदमा रवि लामिछानेको विषयमा प्रसंग उठाउदै शान्ता चौधरीको अनुसन्धान प्रभावित हुनेमा चिन्ता ब्यक्त 2
त्यस्तै नेकपा सांसद हितबहादुर तामाङले चितवनको सडकमा गैरसंवैधानिक खालको नारा लागिरहेको भन्दै त्यसलाई सरकारले तत्काल नियन्त्रण गर्नुपर्ने बताए ।

‘अहिले चितवनका सडकमा प्रदर्शनका क्रममा गैरसंवैधानिक खालको नारा लाग्न थालेको पनि सुन्न आएको छ । त्यसलाई तुरुन्त नियन्त्रण गर्न नेपाल सरकार लागि परोस्’ उनले भने, ‘राज्यले कुनै पक्षबाट पनि प्रभावित नभइ निष्पक्ष रुपमा छानबिन गर्नुपर्छ ।’

SPONSORED

संसदमा रवि लामिछानेको विषयमा प्रसंग उठाउदै शान्ता चौधरीको अनुसन्धान प्रभावित हुनेमा चिन्ता ब्यक्त 3

पत्रकार शालिकराम पुडासैनीको आत्महत्यापछि प्रहरीले आत्महत्यालाई दुरुत्साहन अभियोगमा टेलिभिजन प्रस्तोता रवि लामिछाने, युवराज कँडेल र नर्स अस्मिता कार्कीलाई पक्राउ गरेको छ । तर, लामिछाने पक्राउको बिरोधमा चितवनको सडकमा दैनिकजसो नाराबाजी भइरहेको छ ।

SPONSORED

संसदमा रवि लामिछानेको विषयमा प्रसंग उठाउदै शान्ता चौधरीको अनुसन्धान प्रभावित हुनेमा चिन्ता ब्यक्त 4