दाङ, असोज १४ । ‘अद्भुत’ शालिनताले उनको छुट्टै परिचय स्थापित गरिदिएको छ, सितल÷शान्त ‘बसन्त’ । शान्त रुचाउँछन् । हरेक असन्तुष्टिहरुको जवाफ शान्त पूर्वक दिन सक्ने शालिन ‘कौशलता’ का कारण बसन्त हरेकको मन जित्न काबिल छन् । अनि त बनेका छन् व्यवसायिहरुका ‘भद्र’ नेता ।
बर्षौँ अघि भारतको एक होटेलमा वेटर काम गरेर व्यवसाय क्षेत्रको ‘जरो’ पत्ता लगाएर नेपाल फर्किएका बसन्त अहिले व्यवसायी मात्रै हैन, व्यवसायीहरुका सक्षम नेताका रुपमा दरिए । उनको यहि कौशलताले उनलाई उद्योग वाणिज्य संघको नेतृत्वको संघारमा उभ्याईदिएको छ । घोराही क्षेत्रका व्यासायीहरुको साझा संस्था दाङ जिल्ला उद्योग वाणिज्य संघको नेतृत्व अध्यक्षका रुपमा अघि सारिएका बसन्त जोशी अन्तत व्यवसायीहरुको नेतृत्व लिन सफल भएका छन् । वर्तमान अध्यक्ष टंक सिंह बुढाथोकिले अघिल्लो चुनावमा आफ्नै वागि उम्मेद्वारी दिएका जोशिलाई यसपालि जिताएर राजनितिकरुपमा जितेका छन् । सुरुमा बुढाथोकि जोशिको टिकटमा असन्तुष्ट भएपनि पछि पार्टिका नेताहरुको पहलकदमिमा उनि जोशिलाई जिताउन लागि परे । जोशिले एक हजार ३ सय ४५ मत पाए भने उनका निकटतम प्रतिद्वन्द्वी रामप्रशाद पोखरेलले ९ सय १० मत पाए । जोशिले चुनावमा विजयी भएका छन् ।
एसएलसी दिएपछिको बसन्तको अल्लारे उमेरले भारतीय बसाईको कल्पना गर्यो । भारतमा गएर ‘पैसा कमाउने’ ख्वाब थिएन । साथीहरुको लहलहैले उनको भारत यात्रा तय गरिदियो । भारत पसेको डेढ महिना उनी आफन्तीकोमा आश्रय लिएर बसे । भारतका केही स्थानको घुमाईले मात्रै उनको त्यहाँको बसाई पूर्ण हुँदैन थियो । गास र बासका लागि धेरथोर काममा जोतिनै पर्ने थियो । अनि बसे होटेलमा कामदार बनेर ।
SPONSORED
‘त्यो बेला भारतमा जान्छु , पैसा कमाउँछु भन्ने थिएन, तर साथी भाईहरुको लहलहैमा लागेर म भारतमा गएँ,’ उनि भन्छन् ‘त्यहाँ बस्नलाई पनि काम त गर्नु पर्यो, म भारत गएको डेढ महिना पछि भारतको एक होटेलमा कामदार बनेँ ।’ होटेलको काम उही ‘ग्राहकहरुलाई खाजा, नास्ता, खाना पुर्याईदिने ‘वेटर’ । डेढ महिनासम्म भारतको होटेलमा आउने ग्राहकहरुको सेवा गरेका बसन्तका लागि यो डेढ महिनाको ‘वेटर करिअर’ नै जीवनको ‘टर्निङ प्वाईन्ट’ बनिदियो ।
SPONSORED
उनले त्यहि होटेलमै ब्यवसायीक यात्राको मार्ग कोर्ने उपाय सिके । ‘व्यवसाय कसरी गर्नुपर्छ भन्ने सिकाई मैले त्यही होटेलमा वेटर काम गर्दा पाएँ’,बसन्त भन्छन् ‘अनि मलाई आफै व्यावसाय गर्ने उत्साह अधिक जाग्यो ।’ व्यवसाय गर्ने कला,सीप सिकेर नेपाल फर्किने योजना बनाए बसन्तले । तीन महिने भारत बसाईलाई बिट मारिदिए र लक्ष्मीपुरस्थित घर फर्किए । उनका जेठा दाजु फोटो ग्राफर थिए, त्यो बेला । उनी दाजुसंगै व्यवसासमा जोडिए ।
SPONSORED
२०५३ मा घोराहीमा जोशी फोटो स्टुडियो सञ्चालनमा ल्याए बसन्तले । फोटो स्टुडियोबाट व्यवसायीक क्षेत्रमा हात हालेका उनलाई सुरुमा आफ्नो व्यवसायलाई स्थापित गर्न निकै चुनौती पनि रह्यो । तथापीको उनको लगनशिलताले हार मानेन । अनि उम्दा व्यवसायीका रुपमा स्थापित बन्दै गए बसन्त । ‘सुरु सुरुमा व्यवसयलाई स्थापित गर्न निकै चुनौती रह्यो’, बसन्त भन्छन् ‘सबैभन्दा ठूलो कुरा लगनशिलता नै रहेछ,म लगनशिलतादेखि टाढा भागेन, खाई नखाई, नसुती नसुती पनि आफ्नो कमर्ममा खटिरहेँ, फलतः सफलताका रेखाहरु कोरिँदै गए ।’
व्यवसायमा हात हालेको एक दशकले बसन्तलाई व्यवसायिक क्षेत्रमा कुशल व्यवसायीका रुपमा चिनाईसकेको थियो । यति मात्रै हैन, उनको आर्थिक अवस्थाले उनलाई आफ्नो व्यवसायलाई थप बिस्तार गर्ने ‘ल्याकत’ राख्ने काबिल बनाईसकेको थियो । फलतः उनले २०६३ मा सप्तरंगी डिजिटल कलर ल्याब सञ्चालन गरे । ‘यो मेरो व्यवसायिक क्षेत्रको एउटा सफलता थियो’, उनी भन्छन् ‘व्यवसायका क्षेत्रमा स्थापित हुने मेरो रहर केही हदसम्म पुरा भएँ म यो बेला ।’
आफ्नो व्यवसायिक यात्रालाई बेजोडको रफ्तार दिईरहेका बसन्तले आफ्नो व्यवसायिक यात्रालाई मात्रै हेरिरहेका थिएनन् । यो क्षेत्रमा समस्या भोगिरहेका व्यवसायीहरुको समस्यालाई पनि हेरिरहेका थिए । व्यवसायिक नेता बनेर व्यवसायिक क्षेत्रको समस्या निराकरण गर्ने अर्को खवाब जाग्दै गयो । यसप्रति प्रेरित गर्ने उनका घरबेटी थिए – डिल्लीबहादुर खड्का । ‘उहाँ खड्काले मलाई उद्योग वाणिज्य संघमा प्रतिनिधित्व गर्नु पर्छ भनेर प्रेरणा दिनु भयो,’ बसन्त भन्छन् ‘यहाँकै प्रेरणाले मलाई उद्योग वाणिज्य संघको प्रतिनिधित्वा लागि मोह जाग्न थाल्यो ।’
अनि उनी २०७१ मा उद्योग वाणिज्य संघको सदस्यको उम्मेदवार बन्ने निर्णयमा पुगे । उम्मेदवार बने, उद्योग वाणिज्य संघमा ‘ईन्ट्री’ मारे पनि । उद्योग वाणिज्य संघमा उनको प्रवेश व्यवसायिक नेतृत्वका लागि ठुलो सिकाई बन्यो । व्यवसायिक क्षेत्रमा देखिएका समस्यासंग अझ नजिक हुने अवसर उनका लागि मिल्यो । समस्या समाधानका लागि गरेको त्यो बेलाको पहलकदमीले उनलाई आगामी कार्यकालका लागि उपल्लो पदमा पुग्ने बाटो कोरिरहेको थियो । नभन्दै २०७४ को उद्योग वाणिज्य संघको निर्वाचनमा बसन्तले पदाधिकारीमा बाजी मारे । उनी उद्योग उपाध्यक्षमा निर्वाचित भए ।
२०६८ मा बस्तुगत समितिमा रहेर व्यवसायिक चुनौतीलाई पढिरहेका बसन्तले उद्योग वाणिज्य संघमा २०७१ देखि एक कार्यकाल सदस्य र एक कार्यकाल उद्योग उपाध्यक्ष गरि दुई कार्यकालको समय बिताए ।
