दाङमा रहदा उत्कृष्ट काम गर्ने एसपि सुरेश काफ्लेलाई नेपाल प्रताप सुभुषण पदक

घोराही, असोज ३ । दाङमा करीव १५ महीना उत्कृष्ट काम गरेर हालै सरुवा भएका एसपि सुरेश काफ्ले पदकवाट सम्मानित भएका छन् । नेपाल सरकारले एसपि काफ्लेलाई नेपाल प्रताप सुभुषण पदक प्रदान गर्ने घोषणा गरेको हो ।
आठौं संविधान दिवसका अवसरमा काठमाण्डौमा आयोजित एक समारोहमा सरकारले एसपि काफ्लेले जिल्लामा रहदा शान्ति सुरक्षा कायम गर्ने सवालमा उत्कृष्ट कार्य सम्पादन गरेको मुल्याङ्कन गर्दै उनलाई उक्त पदक दिने सरकारले घोषणा गरेको हो ।

दाङमा प्रहरी प्रमुख भएर काम गर्दा उनले आफ्नो कार्यकालमा घटेका अपराधिक घटनामा संलग्न दोषिहरुलाई कानुनि दायरामा ल्याउन सफल भएका थिए । चिकित्सकमाथि हातपात गर्ने समुहदेखी कारागारवाट भाग्ने कैदिलाई भारतवाट नियन्त्रणमा लिन उनि सफल भए । गुण्डागर्दि नियन्त्रणदेखी फरार अपराधि पक्राउ गर्ने अभियानमा पनि उनि त्यत्तिकै सफल भए । त्यतिमात्रै नभई हनि ट्रयापमा संलग्न महीलालाई पनि एसपि काफ्ले आफ्नो कार्यकालभरीमा कानुनि दायरामा ल्याए ।